సమ్మర్‌ షవర్స్‌ కారణంగా, యూఏఈలోని పలు ప్రాంతాల్లో తీవ్రమైన ఉష్ణోగ్రతల నుంచి కొంత ఉపశమనం లభించింది. అల్‌ అయిన్‌, షార్జా, దఫ్రా రీజియన్‌ తదితర ప్రాంతాల్లో శుక్రవారం వర్షం కురిసింది. నేషనల్‌ సెంటర్‌ ఫర్‌ మిటియరాలజీ అండ్‌ సెస్మాలజీ (ఎన్‌సిఎంఎస్‌) వెల్లడించిన వివరాల ప్రకారం లైట్‌ నుంచి మోడరేట్‌ వర్షాలు సౌత్‌ ఈస్ట్‌ హమిమ్‌ డిస్ట్రిక్ట్‌, అల్‌ ఫకా, అల్‌ మదామ్‌ తదితర ప్రాంతాల్లో కురిసినట్లు తెలియవస్తోంది. అల్‌ అయిన్‌లో అల్‌ హిలి, అల్‌ ఫోహా, మలాకెత్‌, ఖతామ్‌ అల్‌ సక్లా జిల్లాలో వర్షం కురిసింది. కొన్ని చోట్ల భారీ వర్షాలు కూడా తక్కువ సమయంలో కురిశాయి. నల్లటి మేఘాలు, తీవ్రమైన గాలులతో వర్షాలు కురిశాయి. అత్యధిక ఉష్ణోగ్రత మెజారియాలో 3.45 నిమిషాల సమయానికి 49.4 డిగ్రీలుగా నమోదైంది.