'లీడర్‌'తో వెండితెరకు పరిచయమై మొదటి సినిమాతోనే హిట్‌ కొట్టాడు దగ్గుబాటి రానా. ఈ సినిమా విమర్శకుల ప్రశంసలు సైతం అందుకున్నాడు. అయితే రానా ప్రయాణం మాత్రం కాస్త భిన్నంగా సాగుతోంది. విభిన్న కథలు, పాత్రలతో 'హీరోయిజం'అనే లెక్కలు వేయకుండా టాలీవుడ్ కోలీవుడ్ బాలీవుడ్ ఇలా అన్నీ పరిశ్రమలకు తక్కువ కాలంలోనే చేరువయ్యాడు రానా.

ఇప్పుడు హాలీవుడ్ కి వెళుతున్నాడు. రానా ప్రధాన పాత్రలో ఓ హాలీవుడ్‌ సినిమా తెరకెక్కబోతోంది. లండన్‌ డిజిటల్‌ మూవీస్‌(ఎల్‌.డి.ఎం) అండ్‌ టీవీ స్టూడియోస్‌ సంస్థ దీన్ని నిర్మిస్తోంది. ఈ సందర్భంగా రానా ట్విటర్‌లో ఆనందం వ్యక్తం చేశాడు. "ఎల్‌.డి.ఎంతో చేతులు కలపడం చాలా సంతోషంగా వుంది. సాంకేతికంగా గొప్ప సినిమాను తీసేందుకు ఎదురుచూస్తున్నా" అన్నారు. 2018లో ఈ చిత్రం ప్రారంభం కానుంది.