మలేషియాలో ‘ఆచారి అమెరికా యాత్ర’ షూటింగ్‌ జరుగుతుండగా హీరో మంచు విష్ణు గాయపడిన సంగతి తెలిసిందే. బైక్‌పై నుంచి కింద పడటంతో ఆయనకు గాయాలయ్యాయి. ప్రస్తుతం విష్ణు అక్కడి స్థానిక ఆసుపత్రిలో చికిత్స తీసుకుంటున్నారు. ఈ నేపథ్యంలో విష్ణు తండ్రి మోహన్‌బాబు, సోదరుడు మంచు మనోజ్‌, సోదరి మంచు లక్ష్మి, దర్శకుడు బీవీఎస్‌ రవి ట్వీట్లు చేశారు. ‘దేవుడి దయతో నా కుమారుడు సురక్షితంగా ఉన్నాడు’ అని మోహన్‌బాబు ట్వీట్‌ చేశారు.

* మంచు మనోజ్‌: ‘మీ అందరి ఆశీస్సుల వల్ల అన్నయ్య సురక్షితంగా ఉన్నారు. ఆయన స్వల్ప గాయాలతో ప్రమాదం నుంచి బయటపడ్డారు’.

* మంచు లక్ష్మి: ‘మీ అందరి ప్రేమ, ఆశీస్సులతో విష్ణు చాలా పెద్ద ప్రమాదం నుంచి స్వల్ప గాయాలతో తప్పించుకున్నారు. మీ అందరి పరామర్శకు నాన్న ధన్యవాదాలు చెప్పారు’.

* బీవీఎస్‌ రవి: ‘ఇప్పుడే విష్ణు ప్రమాదం గురించి ఆయన భార్య వెరోనికాకు ఫొన్‌ చేసి మాట్లాడాను. ధన్యవాదాలు దేవుడా! ఆయన సురక్షితంగా ఉన్నారు, కానీ గాయపడ్డారు. బైక్‌పైన విష్ణుతోపాటు ప్రగ్యా జైశ్వాల్‌ కూడా ఉన్నారు. ఆమె సేఫ్‌ అయ్యారు’