ముకాబా సీవేజ్‌ నెట్‌వర్క్‌ ప్రాజెక్ట్‌ బ్లాక్‌ 517 పనులు 65 శాతం పూర్తయినట్లు మినిస్ట్రీ ఆఫ్‌ వర్క్స్‌, మునిసిపాలిటీ ఎఫైర్స్‌ అండ్‌ అర్బన్‌ ప్లానింగ్‌ - శానిటరీ ఇంజనీరింగ్‌ మరియు ప్రాజెక్ట్స్‌ డైరెక్టర్‌ నహ్జా అబు హింది వెల్లడించారు. ఈ ప్రాజెక్టు 65 ఇళ్ళు మరియు రియల్‌ ఎస్టేట్స్‌ని నెట్‌వర్క్‌తో కనెక్ట్‌ చేస్తుంది. 670 మీటర్ల పొడవైన మెయిన్‌ కనెక్షన్స్‌, 860 మీటర్ల పొడవైన లాంగ్‌ సబ్‌ కనెక్షన్స్‌, 106 ఇన్‌స్పెక్షన్‌ ఛాంబర్స్‌ ఈ ప్రాజెక్ట్‌లో భాగం. ఈ ఏడాది చివరి నాటికి ప్రాజెక్ట్‌ మొత్తం పూర్తవుతుంది. 184,909 బహ్రెయినీ దినార్స్‌ వ్యయంతో ఈ ప్రాజెక్టుని చేపట్టారు. వెస్ట్‌ బుడైయా హౌసింగ్‌ ప్రాజెక్ట్స్‌ ఫేజ్‌-2 సీవేజ్‌ వర్క్స్‌, సదాద్‌ సీవేజ్‌ నెట్‌వర్క్‌ ప్రాజెక్ట్‌ ఫేజ్‌-2లో భాగంగా ఈ ప్రాజెక్ట్‌ని చేపట్టడం జరిగింది.