మినిస్ట్రీ ఆఫ్‌ ఇంటీరియర్‌ ఆగస్ట్‌ 1 నుంచి న్యూ స్మార్ట్‌ వీసా సౌకర్యాన్ని అందుబాటులోకి తెచ్చింది. అయితే కొన్ని సాంకేతిక సమస్యల కారణంగా ఈ న్యూ స్మార్ట్‌ వీసా సౌకర్యం అమలులో ఇబ్బందులు తలెత్తాయి. అతి త్వరలోనే ఆ ఇబ్బందుల్ని అధిగమిస్తామని మినిస్ట్రీ ఆఫ్‌ ఇంటీరియర్‌ పేర్కొంది. కేవలం పది నిమిషాల్లోనే వీసా పొందేలా ఈ కొత్త స్మార్ట్‌ వీసా సౌకర్యాన్ని అందుబాటులోకి తీసుకురావడం జరిగింది. ప్రస్తుతం వివిధ శాఖలతో 'కనెక్ట్‌ చేసేందుకు' చర్యలు ముమ్మరం చేశామనీ, కొద్ది రోజుల్లోనే న్యూ స్మార్ట్‌ వీసా సౌకర్యం అందరికీ అందుబాటులోకి వస్తుందని అధికారులు తెలిపారు. అబుదాబీ సహా కొన్ని ఎమిరేట్స్‌లో ఈ కొత్త విధానం అమలు తీరు సరిగానే ఉందని అధికారులు చెబుతున్నారు. పాత, కొత్త విధానాల మధ్య చిన్నపాటి సమస్యలు ఇలాంటి సందర్భాల్లో మామూలేనని వారు తెలిపారు.