దుబాయ్‌లో ఎండలు మండిపోతున్నాయి. 50 డిగ్రీలకు చేరుతున్న ఉష్ణోగ్రతలతో చల్లదనాన్ని ఆస్వాదించేందుకు ప్రతి ఒక్కరూ మొగ్గు చూపుతున్నారు. ఎక్కువగా స్విమ్మింగ్‌ పూల్స్‌ వైపే వెళుతున్నారంతా. ఈ నేపథ్యంలోనే బుర్జ్‌ ఖలీఫా, రూఫ్‌టాప్‌లో ఏర్పాటు చేసిన స్విమ్మింగ్‌ పూల్‌ సందర్శకులకు బంపర్‌ ఆఫర్స్‌తో ఆహ్వానం పలుకుతోంది. 150 దిర్హామ్‌ల ఖర్చుతో స్విమ్మింగ్‌ని ఎంజాయ్‌ చేయొచ్చు. ఇందులో 100 దిర్హామ్‌లకు వోచర్‌ అందిస్తారు. దాన్ని ఫుడ్‌, బెవరేజ్‌ ఐటమ్స్‌తో రిడీమ్‌ చేసుకోవడానికి వీలవుతుంది. అంటే కేవలం 50 దిర్హామ్‌లకే స్విమ్మింగ్‌ని ఎంజాయ్‌ చేయొచ్చన్నమాట. బుధవారం నుంచి శుక్రవారం వరకు సాయంత్రం 6 గంటల నుంచి రాత్రి 11 గంటల వరకు ఇది అందుబాటులో ఉంటుంది. బుర్జ్‌ క్లబ్‌ వెబ్‌సైట్‌ ద్వారా మరిన్ని వివరాల్ని తెలుసుకోవచ్చు.