డ్రైవింగ్‌ లైసెన్స్‌ పొందడం ఇకపై మరింత ఖరీదు కానుంది. ట్రైనింగ్‌ క్లాసులకు సంబంధించి ఫీజుల పెంపుదలతో ఔత్సాహికులకు డ్రైవింగ్‌ లైసెన్స్‌ ఖరీదైన వ్యవహారంగా మారింది. గంట క్లాస్‌ కోసం గతంలో 5 బహ్రెయినీ దినార్స్‌ చెల్లిస్తే ఇప్పుడది 7 బహ్రెయినీ దినార్స్‌కి చేరుకుంది. తప్పనిసరిగా 22 గంటలపాటు శిక్షణ తీసుకోవలసి ఉంటుంది గనుక గతంలో దీనికి 110 బహ్రెయినీ దినార్స్‌ ఖర్చయితే, ఇప్పుడది 154 బహ్రెయినీ దినార్స్‌కి చేరింది. మొదటి రెండు పరీక్షలు ఫెయిలయితే మూడో టెస్ట్‌లో పాస్‌ అయినప్పుడు మొత్తంగా ఫీజు 252 బహ్రెయినీ దినార్స్‌కి చేరుకుంటుంది. ట్రైనింగ్‌ లైసెన్స్‌ ఇష్యూయెన్స్‌ ఫీజు, టెస్ట్‌ ఫీజు వంటివన్నీ కలుపుకుంటే మొత్తంగా 33.5 బహ్రెయినీ దినార్స్‌ చెల్లిస్తే తప్ప డ్రైవింగ్‌ లసెన్స్‌ వచ్చే అవకాశం లేదు. ఈ ఏడాది తొలి క్వార్టర్‌లో 35,000 మంది ట్రైనీస్‌ పరీక్షకు హాజరైతే కేవలం 19,000 మంది మాత్రమే పాస్‌ అయ్యారు.