తమిళ స్టార్ హీరోగా చలామణి అవుతున్న విజయ్ మరో సరికొత్త రికార్డును తన ఖాతాలో వేసుకున్నాడు. విజయ్ , సమంత జంటగా అట్లీ దర్శకత్వం లో 2016 లో విడుదలైన తెరి చిత్రం ఎలాంటి సంచలన విజయం సాధించిందో అందరికి తెలుసు. ఇప్పుడు ఈ మూవీ మరో రికార్డు ను సాధించింది.
ఈ చిత్ర హిందీ డబ్బింగ్‌ వెర్షన్‌ ను జులై 1న యూట్యూబ్‌లో విడుదల చేసారు. కాగా ఈ మూవీ ఇప్పటి వరకు (ఆగస్టు 18) మొత్తం 26 మిలియన్ల (2.6 కోట్లు) మంది హిందీ వెర్షన్‌ను వీక్షించారు. దీంతో హిందీలో డబ్బింగ్‌ అయ్యి యూట్యూబ్‌లో అత్యధిక వ్యూస్‌ సాధించిన తొలి తమిళ చిత్రంగా 'తెరి' రికార్డు సాధించింది. దీంతో చిత్ర యూనిట్ సంబరాలు చేసుకుంటున్నారు. ప్రస్తుతం విజయ్‌ నటిస్తున్న చిత్రం 'మెర్సల్‌'. ఈ సినిమా ఆడియోను ఆగస్టు 20న విడుదల చేస్తున్నారు. అక్టోబరు 18న చిత్రం ప్రేక్షకుల ముందుకు రాబోతోంది.