తోకచుక్క నుంచి ఆల్కహాల్ కూడా విడుదలవుతుందని తేలింది. ఆకాశంలో మిరుమిట్లు గొలుపుతూ కాంతులు వెదజల్లే తోకచుక్క.. ఆల్కహాల్‌ని కూడా విడుదల చేస్తుందని ఫ్రాన్స్‌లోని పార్సిస్ అబ్జర్వేటరీలోని శాస్త్రవేత్తలు ప్రకటించారు. ముఖ్యంగా లవ్‌జాయ్ అనే తోకచుక్క ఈ ఏడాది జనవరి 30న సూర్యుడికి అతి దగ్గరగా ప్రయాణించింది. అప్పుడు దాని నుంచి సెకనుకు 20 టన్నుల నీరు విడుదలైంది. అంతేగాకుండా ఈ తోకచుక్క సెకనుకు 500 బాటిళ్ల వైన్‌ను అంతరిక్షంలోకి విడుదల చేస్తుందని శాస్త్రవేత్తలు అంటున్నారు. తోకచుక్క విడుదల చేసే వాయువుల్లో 19 రకాల జీవకణాలు ఉన్నట్లు కూడా శాస్త్రవేత్తలు గుర్తించారు. అంతేగాకుండా వీటిలో ఇథైల్ ఆల్కహాల్ ఉన్నట్లు మొదటిసారి గుర్తించామన్నారు. ఇటీవలే తోకచుక్కపై ఆల్కహాల్, చక్కెర ఉన్నట్లు గుర్తించారు.