దుబాయ్‌: 25.5 కిలోల హాషిస్‌, 1.5 కిలోల షాబు డ్రగ్‌ని విక్రయించేందుకు ప్రయత్నించిన ముగ్గురు వ్యక్తుల్ని పోలీసులు అరెస్ట్‌ చేశారు. యాంటీ నార్కోటిక్‌ డిపార్ట్‌మెంట్‌ - దుబాయ్‌ పోలీస్‌ నిర్వహించిన అండర్‌ కవర్‌ ఆపరేషన్‌లో డ్రగ్స్‌ డీలర్స్‌ రెడ్‌ హ్యాండెడ్‌గా దొరికారని దుబాయ్‌ పోలీస్‌ క్రిమినల్‌ ఇఎ్వస్టిగేషన్స్‌ ఎఫైర్స్‌ అసిస్టెంట్‌ కమాండర్‌ ఇన్‌ చీఫ్‌ మేజర్‌ జనరల& ఖలీల్‌ ఇబ్రహీమ్‌ అల్‌ మన్సౌరి చెప్పారు. దుబాయ్‌లోని ఓ కమర్షియల్‌ మార్కెట్‌లో నిందితుల్ని పట్టుకునేందుకు పక్కా వ్యూహరచన చేసిన పోలీసులు, వ్యూహాన్ని అద్భుతంగా ఆమలు చేశారు. అరెస్టయిన ముగ్గురినీ దుబాయ్‌ పబ్లిక్‌ ప్రాసిక్యూషన్‌కి రిఫర్‌ చేసినట్లు పోలీసులు వివరించారు.