కువైట్:ప్రైవేట్‌ సెక్టార్‌లో పనిచేస్తున్న వలసదారుల్లో మూడింట రెండొంతుల మందికి 180 కువైట్‌ దినార్స్‌ కన్నా తక్కువే వేతనం లభిస్తోంది. ఈ సెక్టార్‌లో 52.29 శాతం మంది వలసదారులున్నారు. 43.19 శాతం మంది వలసదారులు 60 నుంచి 120 కువైట్‌ దినార్స్‌ మాత్రమే వేతనంగా పొందుతున్నారు. 24.2 శాతం మంది 180 నుంచి 360 లోపు, 16.5 శాతం మంది 360 కువైట్‌ దినార్స్‌ కంటే ఎక్కువ వేతనం అందుకుంటుండగా, 1.63 శాతం మంది 60 కువైట్‌ దినార్స్‌ కంటే తక్కువ మాత్రమే అందుకుంటున్నారు. స్టేట్‌ డిపార్ట్‌మెంట్స్‌లో మెసెంజర్స్‌, ప్రింటర్స్‌ తదితర ఉద్యోగాల్లో పనిచేస్తున్నారని గణాంకాలు వెల్లడిస్తున్నాయి. మినిస్ట్రీ ఆఫ్‌ హెల్త్‌లో 36,250 మంది పనిచేస్తుండగా, మినిస్ట్రీ ఆఫ్‌ ఎడ్యుకేషన్‌లో 32,790 మంది పనిచేస్తున్నారు. గవర్నమెంట్‌ సెక్టార్‌లో మొత్తం 78,739 మంది వలసదారులు పనిచేస్తున్నారు. ప్రైవేట్‌ సెక్టార్‌లో వీరి సంఖ్య 1.5 మిలియన్లుగా ఉంది.