విశాఖ నుంచి బెంగళూరు బయలుదేరిన ఇండిగో విమానం 20 నిమిషాల్లోనే తిరిగి ల్యాండైంది. ఈ విమానం బుధవారం ఉదయం 7:15 గంటలకు బెంగళూరు నుంచి విశాఖకు చేరుకుంది. తిరిగి 7:45 గంటలకు బెంగళూరు వెళ్లేందుకు సిద్ధమైంది. విమానం టేకాఫ్‌ తీసుకుంటున్న సమయంలో చక్రంలోకి పక్షి దూరిన విషయాన్ని పైలట్‌ గుర్తించి విమానాన్ని తిరిగి అత్యవసరంగా నిలిపివేశాడు. దీంతో ప్రయాణికులు ఇబ్బందులకు గురయ్యారు. ప్రయాణికులను తీసుకెళ్లేందుకు ఇండిగో యాజమాన్యంప్రత్యామ్నాయ ఏర్పాట్లు చేస్తోంది.