మహేష్ అభిమానులు ఎప్పుడెప్పుడా అని ఎదురు చూస్తున్న 'స్పైడర్' ఆడియో లాంచ్ ఫంక్షన్ నిన్న చెన్నైలో అత్యంత ఘనంగా జరిగింది. ప్రిన్స్ మహేష్ బాబుకు తమిళ ప్రేక్షకులు అత్యంత ఘనంగా స్వాగతం పలుకుతున్నారు అని చెప్పే విధంగా ఈ ఆడియో ఫంక్షన్ కు విపరీతమైన జనం రావడమే కాకుండా ఈ ఆడియో ఫంక్షన్ లైవ్ టెలికాస్ట్ ను అనేక మంది తమిళ ఛానల్స్ లో అత్యంత ఆశక్తిగా వీక్షించారు.
అందరు ఆశ్చర్యపోయే విధంగా 'జై జై సూపర్ స్టార్ మహేష్ బాబు' అనే నినాదాలతో ఈ ఆడియో ఫంక్షన్ చెన్నైలో జరగడం అందర్నీ ఆశ్చర్య పరిచింది. ముఖ్యంగా ఈ కార్యక్రమంలో దర్శకుడు మురగదాస్ చేసిన వ్యాఖ్యలు ఈ కార్యక్రమానికి హైలెట్ గా నిలిచాయి.

మహేష్ మంచితనం పట్టుదల క్రమశిక్షణ గురించి ప్రశంసలు కురిపించిన మురగదాస్ మహేష్ లాంటి హీరోతో సినిమా తీయడానికి ఏ టాప్ డైరెక్టర్ అయినా ఎందుకు ఇష్ట పడతాడో తనకు ఇప్పుడు అర్ధం అయింది అని అంటూ మహేష్ ను ఆకాశానికి ఎత్తేశాడు. అంతేకాదు 'స్పైడర్' ఈ సంవత్సరంలో విడుదల కాబోతున్న బ్లాక్ బస్టర్ అంటూ ఈమూవీ పై అంచనాలు పెంచేసాడు మురగదాస్.

తాను వాస్తవానికి 'గజిని' సినిమాను మహేష్ తో రీమేక్ చేయాలని భావించిన విషయాలను గుర్తుకు చేసుకుంటూ ఆ తరువాత 'తుపాకీ' సినిమాను కూడ మహేష్ తో తెలుగులో తీయాలని ప్రయత్నించిన విషయాలను గుర్తుకు చేసుకున్నాడు మురగదాస్. నటన పట్ల మహేష్ అంకిత భావాన్ని బయట పెడుతూ 'స్పైడర్' లో మహేష్ తప్ప మరెవ్వరూ ఆ పాత్రకు సరిపోరు అంటూ సంచలన వ్యాఖ్యలు చేసాడు మురగదాస్. నిన్న జరిగిన ఈ ఫంక్షన్ తీరు బట్టి తమిళనాడులో 'స్పైడర్' కు భారీ ఓపెనింగ్స్ వచ్చే అవకాశం ఉంది అని అంటున్నారు.

ఇది ఇలా ఉండగా మహేష్ బాబు ఫాన్స్ అసోసియేషన్ కి ప్రెసిడెంట్ గా డిడ్డి రాంబాబు వ్యవహరిస్తున్నారు.