శంషాబాద్‌ విమానాశ్రయంలో ఓ ప్రయాణికుడి వద్ద భారీగా బంగారం పట్టుబడింది. ఆదివారం దుబాయ్‌ నుంచి ముంబై మీదుగా శంషాబాద్‌కు వచ్చిన తారిఫ్‌ అనే వ్యక్తి వద్ద 2.5కిలోల బంగారాన్ని కస్టమ్స్‌ అధికారులు పట్టుకున్నారు. అక్రమంగా బంగారం తరలిస్తున్నారన్న ముంబై కస్టమ్స్‌ అధికారుల సమాచారంతో అధికారులు తనిఖీలు చేపట్టి నిందితుడి బ్యాగులో 21 బంగారం బిస్కెట్లు స్వాధీనం చేసుకున్నారు. పట్టుబడ్డ బంగారం రూ.74లక్షల విలువ ఉంటుందని అంచనా వేస్తున్నారు.