దుబాయ్‌ పోలీసులు, ఎయిర్‌పోర్ట్‌ రోడ్డుపై రెండు లేన్లను మూసివేశారు. ఈ రోడ్డుపై జరిగిన ఘోర రోడ్డు ప్రమాదం కారణంగా తలెత్తిన ట్రాఫిక్‌ నేపథ్యంలో రోడ్డుని తాత్కాలికంగా మూసివేసినట్లు అధికారులు పేర్కొన్నారు. మూసివేత కారణంగా వాహనదారులు ప్రత్యామ్నాయ మార్గాల్ని ఎంచుకోవాల్సిందిగా వారు సూచించారు. అలాగే మరో రెండు ప్రమాదాలు వేర్వేరు చోట్ల (హీస్సా రోడ్‌, మేదాన్‌ స్ట్రీట్‌) చోటుచేసుకోవడంతో అక్కడా ట్రాఫిక్‌ సమస్యలు తలెత్తాయి. ఈ కారణంగా ఔద్‌ మెథా రోడ్‌, షేక్‌ మొహమ్మద్‌ బిన్‌ జాయెద్‌ రోడ్‌, జబెల్‌ అలి లాహ్‌బాబ్‌ రోడ్‌ రద్దీగా మారాయి. అబుదాబీలో షేక్‌ జాయెద్‌ బిన్‌ సుల్తాన్‌ స్ట్రీట్‌, కస్ర్‌ అల్‌ బహ్ర్‌ ప్రాంతంలోని హజ్జాబిన్‌ జాయెద్‌ స్ట్రీట్‌లోనూ ట్రాఫిక్‌ సమస్యలు తలెత్తాయి.