కావలసిన పదార్థాలు:

బెండకాయలు - 4 కప్పులు (మధ్యకు కోసుకోవాలి), నూనె - 2 టే.స్పూన్లు, ఆవ ముద్ద - 2 టే.స్పూన్లు (ఆవాలు నానబెట్టి రుబ్బుకోవాలి), అల్లం పేస్ట్‌ - 1 టీస్పూను, పచ్చిమిర్చి - 2, పండు మిరపకాయ - 1, బిర్యానీ ఆకు - 1, జీలకర్ర, ఆవాలు, మెంతులు, నల్లజీలకర్ర, సోంపుల మిశ్రమం(పాంచ్‌పోరన్‌) - అర టే. స్పూను, పసుపు - అర టీస్పూను. ఉప్పు - రుచికి సరిపడా.
 
తయారీ విధానం:

బాండీలో నూనె వేడి చేసి పాంచ్‌ పోరన్‌, బిర్యానీ ఆకు, పండుమిర్చి వేసి వేయించాలి. తర్వాత బెండకాయలు వేసి స్టిర్‌ ఫ్రై చేయాలి. పసుపు వేసి మరో 10 నిమిషాలు తరచుగా కలుపుతూ వేయించాలి. తర్వాత ఆవ ముద్ద, అల్లం పేస్ట్‌, పచ్చిమిర్చి పేస్ట్‌ వేసి చిన్న మంట మీద 5 నిమిషాలపాటు కలుపుతూ ఉండాలి. ఇలా గ్రేవీ చిక్కబడేవరకూ ఉడికించి రోటీతో వడ్డించాలి.