అమెరికాలోని న్యూజెర్సీలో బతుకమ్మ సంబరాలు అంగరంగవైభవంగా జరిగాయి. తెలంగాణ అమెరికన్ తెలుగు అసోసియేషన్ ఆధ్వర్యంలో..  జరిగిన బతుకమ్మ వేడుకలకు వందలాది మంది తరలివచ్చారు. తెలంగాణ అడపడుచులంతా బతుకమ్మలతో ఒక్కచోట చేరి ఆటాపాటలతో సందడి చేశారు. ఈ కార్యక్రమానికి తెలంగాణ అమెరికా తెలుగు అసోసియేషన్ చైర్మన్ పైల్ల మల్లారెడ్డి, అమెరికా తెలుగు అసోసియేషన్ చైర్మన్ హన్మంతరెడ్డి, అమెరికా తెలంగాణ అసోసియేషన్ చైర్మన్ కరుణాకర్ మాధవరం, టీవీ5 యూఎస్ఏ సీఈవో శ్రీధర్ చిల్లర, టాటా బోర్డ్ అడ్వైజర్, మాజీ ఎంపీ మధుయాష్కీ గౌడ్ సహా పలువురు ప్రముఖులు హాజరయ్యారు. ఈ సందర్భంగా బతుకమ్మలను అందంగా అలరించిన వారికి, వివిధ పోటీల్లో విజేతలుగా నిలిచిన వారికి బహుమతులను అందజేశారు.