రామ్ చరణ్ హీరోగా తెలుగు తెరకు పరిచయమై రేపటికి పదేళ్లు. ఆయన చిరుత సినిమా ద్వారా తెరంగేట్రం చేశారు. పూరి జగన్నాథ్ డైరెక్షన్‌లో సి.అశ్వనీదత్ నిర్మాణ సారధ్యంలో చిరుత మూవీ వచ్చింది. అప్పుడు మొదలు ఇప్పటి వరకూ ఈ కాంబినేషన్ రిపీట్ అవలేదు. అయితే తాజాగా మళ్లీ ఈ ముగ్గురి కాంబినేషన్‌లో ఓ మూవీ రాబోతోందని టాక్. పూరి రీసెంట్‌గా చెర్రీకి ఓ కథను కూడా వినిపించేశారట. చెర్రీ కూడా ఓకే చెప్పేసినట్టు సమాచారం. దీంతో ఈ చిరుత కాంబినేషన్ మళ్లీ రిపీట్ అవుతుందనే వార్త ఫిలింనగర్‌లో షికారు చేస్తోంది. ప్రస్తుతం చెర్రీ రంగస్థలం 1985 మూవీలో నటిస్తున్నారు. అనంతరం కొరటాల శివతో మరో మూవీ తెరకెక్కనుందట. అది అయిన వెంటనే పూరితో సినిమా ప్రారంభమవుతుందనే వార్తలు వినిపిస్తున్నాయి.