మనామా: ఖాలిద్‌ బిన్‌ హమాద్‌ థియేటర్‌ ఫెస్టివల్‌ ఫర్‌ నేషనల్‌ క్లబ్స్‌, యూత్‌ సెంటర్స్‌ అండ్‌ పీపుల్‌ విత్‌ డిజేబిలిటీ - అక్టోబర్‌ 4న ముహారాక్‌ మోడల్‌ యూత్‌ సెంటర్‌లో ప్రారంభం కానుంది. 18 రోజులపాటు జరిగే ఈ ఫెస్టివల్‌లో 12 ప్లేస్‌ ప్రదర్శితమవుతాయి. అక్టోబర్‌ 21న ఈ ఫెస్టివల్‌ ముగుస్తుంది. కింగ్‌డమ్‌కి చెందిన వివిధ ప్రాంతాల నుంచి 12 క్లబ్స్‌ ఈ ఫెస్టివల్‌లో పాల్గొంటున్నాయి. నటి, థియేటర్స్‌ ఫెస్టివల్‌ జ్యూరీ మెంబర్‌ అయిన మరియమ్‌ జైమాన్‌ మాట్లాడుతూ, ఈ ఫెస్టివల్‌ ఎంతో ప్రత్యేకంగా డిజైన్‌ చేయబడిందనీ, ఆహూతుల్ని విశేషంగా ఆకట్టుకుంటుందనే విశ్వాసం వ్యక్తం చేశారు. 12 క్లబ్స్‌ మధ్య పోటీ ఆసక్తికరంగా ఉందనీ, మొత్తం 32 క్లబ్‌ల నుంచి వీటిని ఎంపిక చేశామని తెలిపారామె. ఈ ఫెస్టివల్‌లో 'డైలాగ్‌ ఆఫ్‌ ఎ బటర్‌ఫ్లై' మరో ప్రధాన ఆకర్షణ కాబోతోంది. ఈ ఫెస్టివల్‌కి గల్ఫ్‌ యూనివర్సిటీ ఓ స్పాన్సరర్‌గా వ్యవహరిస్తోంది.