ఇండియన్‌ సినిమా పరిశ్రమని అంతర్జాతీయ వేదికలకు ప్రమోట్‌ చేసే క్రమంలో ఏర్పాటయిన ఇండీవుడ్‌, ప్రింట్‌, విజువల్‌, ఆన్‌లైన్‌ మరియు రేడియో మీడియాకి చెందిన పలువురికి పురస్కారాల్ని అందించింది. లైఫ్‌టైమ్‌ అచీవ్‌మెంట్‌ అవార్డులు ఎవిఎన్‌హెచ్‌ఎస్‌ శర్మ (ఈనాడు), ఖాజా ఖయ్యుమ్‌ అన్వర్‌ (టి న్యూస్‌), ఆనందం పులిపాలుపుల (వసుంధర), జయదేవ్‌ రెంటాల (ఆంద్రజ్యోతి)లకు అందజేయడం జరిగింది. ప్రత్యేక గుర్తింపు అవార్డుల కేటగిరీలో కె.నాగేశ్వరారవు (యుఎన్‌ఐ), సుబ్బారావు నాగభైరు (ఆంధ్రజ్యోతి), రాంబాబు వర్మ లంక (తెలుగు 360 డాట్‌ కామ్‌), జి.ఆనంద్‌కుమార్‌ (ఈటీవీ సినిమా), జలపతి గూడెల్లి (టీవీ9), పి.వి. రమణకుమార్‌ (మహాన్యూస్‌), రమేష్‌ చందు (బాక్సాఫీస్‌ సినిమా), కృష్ణా కంబాలపల్లి (టిఎన్‌ఎన్‌ న్యూస్‌), ఎ.రాజాబాబు (వన్‌ ఇండియా), ఆర్‌ఎస్‌జె థామస్‌ (ఫొటో జర్నలిస్ట్‌), పి.ఆర్‌.కె. ప్రపసాద్‌ (ఆంధ్రప్రభ), క్రాంతి కిరణ్‌ (టీవీ1), యు.శ్రీనివాస్‌ (గ్రేట్‌ తెలంగాణ), మున్నలూరు మారుతి ప్రసాద్‌ (సిఎన్‌ఎన్‌ న్యూస్‌), జెబిఎస్‌ ఉమానాథ్‌ (డెక్కన్‌ హెరాల్డ్‌), యు.వినాయకరావు (ఆంధ్రజ్యోతి) తదితరులు చోటు దక్కించుకున్నారు. ఇండీవుడ్‌ ఫిలిం కార్నివాల్‌ ఫౌండర్‌ డైరెక్టర్‌ సోహన్‌ రాయ్‌, డిసెంబర్‌ 1 నుంచి 4వ తేదీ వరకు హైద్రాబాద్‌లోని రామోజీ ఫిలింసిటీలో మూడవ ఎడిషన్‌ - ఇండీవుడ్‌ ఫిలిం కార్నివాల్‌ జరుగుతుందని చెప్పారు.