జెడ్డా: క్రౌన్‌ ప్రిన్స్‌ మొహమ్మద్‌ బిన్‌ సల్మాన్‌, 16 మిలియన్‌ సౌదీ రియాల్స్‌ (4.27 మిలియన్‌ డాలర్లు), తన సొంత అకౌంట్‌ నుంచి ఖాసిమ్‌ రీజియన్‌లో సేవా కార్యక్రమాల కోసం విరాళంగా అందించారు. 12 ఛారిటీస్‌తో చర్చల అనంతరం, వివిధ రంగాల్లో అందించాల్సిన సాయంపై విశ్లేషించిన తర్వాత ఈ భారీ మొత్తాన్ని విరాళంగా ప్రకటించారాయన. 7,296 మంది మహిళలు, పురుషులకు ఈ మొత్తం నుంచి సేవా కార్యక్రమాలు అందుతాయి. అనాధలు, క్యాన్సర్‌ బాధితులు, యువకులు, యువతులు, ప్రత్యేక అవసరాలు గల వ్యక్తులను గుర్తించి వారిని ఈ నిధులతో ఆదుకుంటారు. ఈస్టర్న్‌ ప్రావిన్స్‌, ఛారిటీ సపోర్ట్‌ కింద 16 మిలియన్‌ సౌదీ రియాల్స్‌ని అందుకుంది. 41 మంది లబ్దిదారులకు ఈ నిధులతో మేలు జరుగుతుంది.