హైదరాబాద్‌లో వర్షం కుమ్మేస్తోంది. అన్ని ప్రాంతాల్లో భారీగా కురుస్తోంది. చాలాచోట్ల రోడ్లపై నీళ్లు నిలిచిపోవడంతో వాహనదారులు తీవ్ర ఇబ్బందులు పడుతున్నారు..
కుండపోత వానతో హైదరాబాద్ వణికిపోతోంది. భారీ వర్షానికి పలు కాలనీలు జలమలమయ్యాయి. మోకాళ్ల లోతు నీరు ఇళ్లలోకి చేరడంతో ..లోతట్టు ప్రాంత వాసులు తీవ్ర ఇబ్బందులు పడుతున్నారు. ప్రధాన రహదారులపైకి భారీగా వరద చేరడంతో రాకపోకలకు తీవ్ర అంతరాయం కల్గుతోంది. కూకట్ పల్లిలో పరిస్థితి అధ్వాన్నంగా తయారైంది. ఉషముళ్లపూడి రోడ్డు కుంగిపోయింది.  గోదావరి పైప్ లైన్ పగిలిపోవడంతో ...భారీ గొయ్యి ఏర్పడి నీరంతా బయటికి వస్తోంది. ప్రధాన మార్గం కుంగిపోవడంతో స్థానికులు భయాందోళనకు గురయ్యారు.GHMC అధికారులు..అక్కడికి చేరుకుని సహాయచర్యలు చేపట్టారు. గోదావరి నీరు వృధాగా పోకుండా చర్యలు తీసుకున్నారు.