మొబైల్‌ ఫోన్‌ ద్వారా తన కొలీగ్‌ అయిన ఓ మహిళకు అసభ్యకరమైన సందేశాలు పంపినందుకుగాను ఓ వ్యక్తికి న్యాయస్థానం 50,000 దిర్హామ్‌ల జరీమానా విధించింది. బాధిత మహిళ, తాను పనిచేస్తున్న కంపెనీ ఉన్నతాధికారులకు ఫిర్యాదు చేయడంతో ఈ ఘటన వెలుగు చూసింది. తన వర్క్‌ మేట్‌ ఫోన్‌ని ఉపయోగించి, మహిళపై నిందితుడు అసభ్యకరమైన పదజాలంతో మెసేజ్‌ల ద్వారా వేధింపులకు గురిచేశాడు. అయితే ఇదంతా తనకు తెలిసి జరగలేదని ఆ ఫోన్‌ వినియోగదారుడు పోలీసులకు విన్నవించడం జరిగింది. ఇంకో వైపున బాధితురాలి తరఫు లాయర్‌, తన క్లయింట్‌ తీవ్ర మానసిక వేధనను అనుభవించారని, నిందితుడిపై సివిల్‌ కేసు ఫైల్‌ చేయనున్నామని పేర్కొన్నారు.