యు.ఏ.ఈ: 21 ఏళ్ళ అరబ్‌ వ్యక్తి, 24 డ్రగ్‌ పిల్స్‌ని మింగి ఆత్మహత్యాయత్నం చేశాడు. అతన్ని సార్జాలోని కువైటీ ఆసుపత్రికి తరలించి వైద్య చికిత్స అందిస్తున్నారు. ప్రియురాలితో బ్రేకప్‌ని జీర్ణించుకోలేక ఆ వ్యక్తి ఆత్మహత్యాయత్నం చేసినట్లు పోలీసుల ప్రాథమికంగా నిర్ధారించారు. ఆత్మహత్యాయత్నానికి పాల్పడ్డ వ్యక్తి పూర్తిగా కోలుకున్నాక, అతన్ని విచారించి కేసు వివరాలు వెల్లడిస్తామంటున్నారు పోలీసులు. తన కుటుంబంతో కలిసి షార్జాలోని అల్‌ టాఓన్‌ ప్రాంతంలో బాధిత యువకుడు నివాసం ఉంటున్నట్లు పోలీసులు తెలిపారు. ప్రియురాలితో బ్రేకప్‌ అయ్యాక ముబావంగా ఉంటున్నాడనీ, ఇంతలోనే అతను ఆత్మహత్యాయత్నం చేస్తాడని ఊహించలేదని కుటుంబ సభ్యులు చెబుతున్నారు.