యువ కథానాయకుడు నాగశౌర్య నటిస్తున్న చిత్రం 'ఛలో'. వెంకీ కుడుముల దర్శకత్వం వహిస్తున్నారు. నాగశౌర్య తల్లిదండ్రులు ఉషా ముల్పూరి, శంకర ప్రసాద్‌ చిత్రానికి నిర్మాతలుగా వ్యవహరిస్తున్నారు. ఈ చిత్రం ప్రీలుక్‌ను శనివారం సాయంత్రం విడుదల చేశారు. ఇందులో నాగశౌర్య తిరుప్పురం అనే బోర్డు ఉన్న ద్వారం వైపు వెళ్తూ కనిపించారు. చుట్టు పక్కల పచ్చని మొక్కలు తప్ప మరేమీ లేవు.
ఇది ఆంధ్రా, తమిళనాడు సరిహద్దులోని కళాశాలలో జరిగే ప్రేమకథ అని దర్శకుడు వెంకీ చెప్పారు. హీరో హైదరాబాద్‌ నుంచి తిరుప్పురం వెళ్తాడని, అక్కడ ప్రేమకథ మొదలౌతుందని తెలిపారు. ఇందులో రష్మిక మండన్న కథానాయికగా నటిస్తున్నారు. ఆమె కన్నడ సూపర్‌ హిట్‌ 'కిరాక్‌ పార్టీ' ద్వారా ఫేమస్‌ అయ్యారు.