నగరంలోని లాలాపేట్‌ యాదవ్‌బస్తీలోని ఓ ఇంటిపై శిక్షణా హెలికాప్టర్‌ డోర్‌ విరిగిపడింది. బస్తీలోని ఓ ఇంటిపై అకస్మాత్తుగా ఏదో వస్తువు పడి భారీ శబ్దం రావడంతో స్థానికులు బయటకి వచ్చి చూశారు. ఆకాశంలో వెళ్తున్న హెలికాప్టర్‌ డోర్‌ విరిగి కిందపడిందని గుర్తించారు. సమాచారం అందుకున్న పోలీసులు ఘటనాస్థలికి చేరుకొని డోర్‌ను స్వాధీనం చేసుకున్నారు. సంబంధిత అధికారులకు సమాచారమందించారు. హెలికాప్టర్‌ డోర్‌ విరిగిపడటంతో భయాందోళనకు గురైనట్లు బస్తీవాసులు తెలిపారు.