ఒమన్‌ నుంచి ఇండియాకి వెళ్ళే ప్రయాణీకులకు శుభవార్త. 48 ఇంచ్‌ల వరకు టీవీలను ఉచితంగానే ఎయిర్‌ ఇండియా, జెట్‌ ఎయిర్‌వేస్‌ విమానాల్లో ఇండియాకి తీసుకెళ్ళేందుకు వీలుంది. అయితే ఇండియన్‌ ఎయిర్‌పోర్ట్స్‌లో టీవీలపై డ్యూటీని చెల్లించడానికి ఆస్కారం ఉంది. ఈ విషయాన్ని ధృవీకరిస్తూ, తదుపరి ప్రకటన వచ్చేదాకా ఈ ఆఫర్‌ అమల్లో ఉంటుందని ఎయిర్‌ ఇండియా వెల్లడించింది. ప్రయాణీకులకు ఇది ఫ్రీ బ్యాగేజ్‌ అలవెన్స్‌గా ఇవ్వనున్నట్లు పేర్కొన్నారు ఎయిర్‌ ఇండియా ప్రతినిథులు. ఫ్రీ బ్యాగేజ్‌ అలవెన్స్‌ దాటితే, ఛార్జీలు వర్తిస్తాయి. ఎయిర్‌ ఇండియా ప్రకటన వెలువడిన మరుసటిరోజే, జెట్‌ ఎయిర్‌వేస్‌ తన వెబ్‌సైట్‌లో ఫ్రీ బ్యాగేజ్‌ అలవెన్స్‌లోకి టీవీలను కూడా ఉచితంగా చేర్చుతున్నట్లు ప్రకటించింది. డిసెంబర్‌ 10 వరకు ఇది అమల్లో ఉంటుంది.