ముంబయి: అగ్రశ్రేణి టెన్నిస్‌ క్రీడాకారిణి సానియా మీర్జా మోకాలి గాయంతో బాధపడుతున్నారు. మెరుగయ్యేందుకు శస్త్రచికిత్స అవసరమో కాదో త్వరలోనే నిర్ణయించుకుంటానని తెలిపారు.
'నా భాగస్వాములను గాయాలు వెంటాడటంతో ఈ ఏడాది ఏమంత గొప్పగా లేదు. ఇప్పుడు నాకూ మోకాలి గాయమైంది. నెల రోజలుగా ఆటకు దూరంగా ఉన్నా. ఇంకా రెండు మూడు వారాలు విశ్రాంతి తీసుకోవాలి. శస్త్రచికిత్స అవసరమో కాదో త్వరలో తేల్చుకోవాల్సి ఉంది' అని ఇండియన్‌ స్పోర్ట్స్‌ హానర్స్‌ కార్యక్రమం వద్ద చెప్పారు. ఇన్ని సమస్యలున్నా తానింకా టాప్‌-10 ర్యాంకులోనే ఉన్నానని పేర్కొన్నారు.