"బిచ్చగాడు" లాంటి సూపర్ సక్సెస్ అనంతరం తన ప్రతి చిత్రంతో స్టార్ డమ్ తోపాటు క్రేజ్ అండ్ మార్కె ట్‌ను  పెంచుకుంటూ వెళ్తున్న హీరో విజయ్ ఆంటోనీ. ఈయన నటించిన తాజా చిత్రం "ఇంద్రసేన". జి.శ్రీనివాసన్ దర్శకత్వంలో తెరకెక్కిన ఈ చిత్రం తెలుగు థియేట్రికల్ రైట్స్ ను భారీ పోటీ నడుమ ఆంధ్రప్రదేశ్/తెలంగాణ రాష్ట్రాల్లో ఎన్.కె.ఆర్ ఫిలిమ్స్ అధినేత నీలం కృష్ణారెడ్డి సొంతం చేసుకొన్నారు.  
నవంబర్ 16న హైద్రాబాద్ లో భారీ స్థాయిలో ఆడియో ఫంక్షన్ జరగనుంది.  ఈ వేడకలో  సినిమాకు సంబంధించి ఓ  పది నిమిషాల నిడివి ఫుటేజ్‌ను రిలీజ్ చేయనున్నారు.  దీంతొ పాటు ఓ ఫుల్ వీడియో సాంగ్ ను ప్లే చేయనున్నారు.  ఈ వీడియో సాంగ్ ను మాస్ మహారాజా రవితేజ లాంచ్ చేస్తారు. ఈ సినిమాలో విజయ్ ఆంటోనీ, డయానా చంపిక హీరోహీరోయిన్లుగా నటించగా.. మహిమ, జ్యూవెల్ మేరీ  కీలకపాత్రలు పోషించారు.