కేంద్ర పౌర విమానయాన శాఖ మంత్రి, టీడీపీ నేత అశోక్ గజపతిరాజు కొత్త రికార్డ్ సృష్టించారు. ఆయన కేంద్ర పౌర విమానయాన శాఖ మంత్రిగా బాధ్యతలు చేపట్టి ఇప్పటికి 42 నెలలు అయింది. 2014లో కేంద్ర విమానయాన శాఖ మంత్రిగా బాధ్యతలు స్వీకరించిన అశోక్ గజపతిరాజు అదే శాఖ మంత్రిగా ఇప్పటికీ కొనసాగుతున్నారు.ఆ శాఖ బాధ్యతలను ఆయన 42 నెలలుగా నిర్వహిస్తూ రికార్డు నెలకొల్పడం విశేషం. ఈ 42 నెలల్లో... కేంద్ర పౌర విమానయాన శాఖ మంత్రిగా అశోకగజపతిరాజు బాగానే సేవలు అందించారు. అంతేకాదు ఈయన హయాంలోనే.. ఈజ్ ఆఫ్ డూయింగ్ లో 10వ స్థానంలో ఉన్న శాఖ 3వ స్థానానికి వచ్చింది. డెబ్భై ఏళ్లలో సాధించిన అభివృద్ధి అంతా ఒక ఎత్తు అయితే, అశోక్ గజపతిరాజు హయంలో జరిగిన అభివృద్ధి మరో ఎత్తుగా చెప్పవచ్చు.