యూఏఈలో పలు ప్రాంతాల్లో భారీ వర్షం కురిసింది. సమ్మర్‌ తర్వాత ఈ స్థాయిలో వర్షం కురవడం పట్ల అందరూ హర్షం వ్యక్తం చేస్తున్నారు. అయితే భారీ వర్షం కారణంగా దుబాయ్‌, షార్జా, ఫుజారియాలో ప్రజలు ఇబ్బందుల్ని ఎదుర్కొన్నారు. మసాఫి, దిబ్బా, వాడి అల్‌ హిలో, కల్బా రోడ్లలో పరిస్థితి కొంచెం ఇబ్బందికరంగానే మారింది. ఈ వీకెండ్‌ ఇంకా ఎక్కువగా వర్షాలు కురిసే అవకాశం ఉన్నట్లు నేషనల్‌ మెటియరాలజీ డిపార్ట్‌మెంట్‌ పేర్కొంది. హ్యుమిడిటీ ఎక్కువగా ఉండటంతో మేఘాలు ఎక్కువగా ఫామ్‌ అయి వర్షాలు కురుస్తున్నాయి. ఫుజారియాలో కొందరికి రెయిన్‌బో కన్పించడంతో ఆ దృశ్యాల్ని తమ కెమెరాల్లో బంధించి, సోషల్‌ మీడియాలో ఆ ఫొటోల్ని షేర్‌ చేస్తున్నారు. ఇంకో వైపున లోతట్టు ప్రాంతాల్లోని రోడ్లపై వెళ్ళే వాహనదారులు అప్రమత్తంగా ఉండాలని పోలీసులు హెచ్చరిస్తున్నారు. ముందస్తు జాగ్రత్త చర్యల్లో భాగంగా యస్బా రోడ్‌ని రెండు వైపులా ట్రాఫిక్‌ బంద్‌ చేశారు. చిన్న చిన్న ల్యాండ్‌స్లైడ్స్‌ జారే ప్రమాదం ఉన్నందున ఈ చర్యలు చేపట్టారు.