ట్రంప్‌ కూతురు హైదరాబాద్‌ రాక సందర్భంగా శంషాబాద్‌ ఎయిర్‌పోర్ట్‌లో సెక్యూరిటీ టైట్‌ చేశారు. పది రోజుల ముందు నుంచే భద్రతా ఏర్పాట్లు పెంచేశారు. సిటీ పోలీసులతో పాటు ఆక్టోపస్‌, CISF బలగాలతో భద్రత కట్టుదిట్టం చేశారు. ఇప్పటికే అమెరికా సీక్రెట్‌ సర్వీస్‌ పోలీసులు నగరానికి చేరుకొని ఇవాంకా పర్యటించే ప్రాంతాలను పరిశీలించారు. 

ఈ నెల 28 నుంచి రెండు రోజుల పాటు హైదరాబాద్‌లో జరిగే ప్రపంచ పారిశ్రామిక వేత్తల సదస్సుకు అమెరికా అధ్యక్షులు డొనాల్డ్‌ ట్రంప్‌ కూతురు ఇవాంక ట్రంప్‌ హాజరవుతున్నారు. 27 రాత్రికి ప్రత్యేక విమానంలో శంషాబాద్‌ ఎయిర్‌పోర్ట్‌కు చేరుకుంటారు. ఇవాంకా టూర్ నేపథ్యంలో పోలీసులు ప్రత్యేక బలగాలు, డాగ్‌ స్క్వాడ్‌లతో సోదాలు ముమ్మరం చేశారు. విమానాశ్రయంలో అణువణువూ తనిఖీ చేస్తున్నారు.