మెగాస్టార్ చిరంజీవి హీరోగా సై రా నరసింహారెడ్డి సినిమా తెరకెక్కనున్న సంగతి తెలిసిందే. స్టైలిష్ డైరెక్టర్ సురేందర్ రెడ్డి దర్శకత్వంలో తెరకెక్కుతున్న ఈ సినిమాను మెగా పవర్ స్టార్ రామ్ చరణ్ ప్రతిష్టాత్మకంగా నిర్మిస్తున్నాడు. డిసెంబర్‌లో పట్టాలెక్కనున్న ఈ చిత్రం పోస్ట్ ప్రొడక్షన్ కార్యక్రమాలు జరుపుకుంటుంది. ప్రతిష్టాత్మకంగా రూపొందనున్న ఈ చిత్రంలో అమితాబ్ బచ్చన్, జగపతి బాబు, విజయ్ సేతుపతి, సుధీప్ లాంటి నటులు ముఖ్య పాత్ర పోషిస్తున్నారు.
ఇప్పుడు మరో నటుడు ఇందులో చేరాడు. ఎప్పటి నుండో తన అదృష్టాన్ని పరీక్షించుకోవాలని భావిస్తున్న దాసరి నారాయణ రావు తనయుడు దాసరి అరుణ్ కుమార్ సైరాలో ఓ ముఖ్య పాత్రకి ఎంపికయ్యాడనే టాక్ వినిపిస్తుంది. దర్శక రత్న దాసరి తనయుడిగా ఇండస్ట్రీకి పరిచయం అయిన దాసరి అరుణ్ హీరోగా విజయం సాధించలేకపోయాడు. ఇప్పుడు ఈ రీఎంట్రీలో ఏమౌతుందో చూడాలి.