యూఏఈలో ఉష్ణోగ్రతలు 6.9 డిగ్రీల సెల్సియస్‌కి పడిపోయాయి. జైస్‌ మౌంటెయిన్స్‌ వద్ద అతి తక్కువగా ఉదయం ఏడు గంటల సమయానికి 6.9 డిగ్రీల సెల్సియస్‌గా నమోదయ్యింది. మెబ్రోహ్‌ మౌంటెయిన్‌ వద్ద 10.4 డిగ్రీల సెల్సియస్‌గా అతి తక్కువ ఉష్ణోగ్రత నమోదయినట్లు అధికారులు తెలిపారు. నేషనల్‌ సెంటర్‌ ఆఫ్‌ మిటియరాలజీ అండ్‌ సెస్మాలజీ వెల్లడించిన వివరాల ప్రకారం ఉష్ణోగ్రతలు పడిపోవడంతో చాలా చోట్ల విజిబిలిటీ గణనీయంగా తగ్గిపోయిందని తెలుస్తోంది. ఈ రోజు వాతావరణం విషయానికొస్తే, ఆకాశం మేఘావృతమై ఉంటుంది. గాలుల తీవ్రత సాధారణం నుంచి, కొన్ని చోట్ల ఓ మోస్తరుగా ఉండొచ్చు. సముద్ర తీర ప్రాంతాల్లో మాత్రం గాలుల తీవ్రత ఎక్కువగా ఉండొచ్చు. సముద్రం రఫ్‌గా ఉంటుంది.