మస్కట్‌: అల్‌ సీబ్‌, అల్‌ ముబైలాలోని బార్బర్‌ షాప్స్‌పై ఆకస్మిక తనిఖీలు నిర్వహించి, జరీమానాలు విధించింది మస్కట్‌ మునిసిపాలిటీ. మస్కట్‌ మునిసిపాలిటీ ఫుడ్‌ కంట్రోల్‌ డిపార్ట్‌మెంట్‌ ఇన్‌స్పెక్టర్స్‌ ఈ తనిఖీల్ని నిర్వహించారు. మొత్తం 42 షాపులపై తనిఖీలు జరగగా, 21 షాప్‌లకు జరీమానాలు విధించారు. ఈ సందర్బంగా 80 నాన్‌ యూజబుల్‌ ఐటమ్స్‌ని స్వాధీనం చేసుకున్నారు. అనుమతుల్లేకుండా కమర్షియల్‌ యాక్టివిటీస్‌ నిర్వహించడం, అలాగే నిబంధనలకు విరుద్ధంగా పలు రకాలైన ఉత్పత్తుల్ని వినియోగిస్తుండడం వంటి ఉల్లంఘనల్ని గుర్తించారు. కాబట్టి బార్బర్‌ షాప్‌ల వినియోగదారులు అప్రమత్తంగా ఉండాలని అధికారులు హెచ్చరిస్తున్నారు. అనుమానం వస్తే, ఫిర్యాదులు చేయాలని అధికారులు సూచించారు.