హైదరాబాద్: హెచ్ఐసీసీలో ప్రపంచ పారిశ్రామిక వేత్తల సదస్సును ముందుగా సీఎం కేసీఆర్ ప్రారంభోపాన్యాసం చేసిన విషయం విధితమే. అనంతరం అమెరికా అధ్యక్షుడి కుమార్తె ఇవాంక ట్రంప్ మాట్లాడుతూ...హైదరాబాద్ ప్రపంచ నగరంగా ఎదుగుతోందన్నారు. ప్రజాస్వామ్య విజయానికి భారత్ ఆశాదీపంగా ఉందని ఇవాంక కొనియాడారు. ప్రధాన మంత్రి నరేంద్ర మోడీ పాలనలో భారతదేశం వేగంగా అభివృద్ధి చెందుతుందని ఇవాంక తెలిపారు. మార్పు సాధ్యమని ప్రధాని నిరూపించారన్నారు. ఇన్నోవేషన్ హబ్‌గా హైదరాబాద్ ఎదుగుతోందని, 70 ఏళ్ల భారత ప్రజాస్వామ్య విలువలకు ఇవాంక వందనాలు తెలిపారు.