మస్కట్‌: ఇద్దరు వలసదారుల్ని దొంగతనం కేసులో రాయల్‌ ఒమన్‌ పోలీసులు అరెస్ట్‌ చేశారు. వేర్వేరు కేసుల్లో వీరిని నిందితులుగా ఉన్నారని అధికారిక వర్గాలు వెల్లడించాయి. ఇళ్ళలో దొంగతనాలకు పాల్పడుతున్న నేరానికిగాను ఆసియాకి చెందిన ఓ వ్యక్తిని అరెస్ట్‌ చేశారు. అల్‌ కౌద్‌ పోలీస్‌ స్టేషన్‌ సిబ్బంది నిందితుడ్ని అదుపులోకి తీసుకోవడం జరిగింది. నిందితుడి నుంచి గోల్డ్‌ ఆర్టెఫాక్ట్స్‌, డబ్బు, దొంగతనానికి ఉపయోగించే వస్తువుల్ని పోలీసులు స్వాధీనం చేసుకున్నారు. మరో ఘటనలో పార్కింగ్‌ చేసిన ట్రక్స్‌ నుంచి దొంగతనాలకు పాల్పడుతున్న వ్యక్తిని పోలీసులు అదుపులోకి తీసుకున్నారు. సీబ్‌ పోలీస్‌ స్టేషన్‌ సిబ్బంది ఈ నిందితుడ్ని అరెస్ట్‌ చేశారు. ఈ నిందితుడు కూడా ఆసియా జాతీయుడే కావడం గమనించదగ్గ అంశం. పార్క్‌ చేసిన ట్రక్స్‌నుంచి బ్యాటరీలను దొంగిలించడంలో నిందితుడు సిద్ధహస్తుడని పోలీసులు తెలిపారు.