అఖిల్ అక్కినేని నటించిన చిత్రం 'హలో' డిసెంబర్ 22న విడుదలకు రెడీ అవుతున్న విషయం తెలిసిందే. ఇప్పటికే విడుదలైన టీజర్ 8 మిలియన్ వ్యూస్ రాబట్టుకుని, సినిమా కోసం ప్రేక్షకులు ఎంతగా వెయిట్ చేస్తున్నారో తెలియజేసింది. అయితే తాజాగా అఖిల్ మరో సర్‌ప్రైజ్ అంటూ ట్వీట్ చేసిన విషయం తెలిసిందే.
గురువారం సాయంత్రం అఖిల్ ''ఈ సినిమా గురించిన ఒక ఆసక్తికరమైన ప్రకటనను తెలియజేయబోతున్నాం. అలాగే వేచి ఉండండి'' అంటూ ట్వీట్ చేశారు. తాజాగా అఖిల్ సర్‌ప్రైజ్‌ని రివీల్ చేశారు. డిసెంబర్ 1న హలో మూవీ చిత్ర థియేట్రికల్ ట్రైలర్‌ని రిలీజ్ చేయబోతున్నట్లుగా అఖిల్ ట్వీట్ చేశారు. ''మై డియర్ ఫ్రెండ్స్. రేపు హలో చిత్ర థియేట్రికల్ ట్రైలర్‌ని రిలీజ్ చేస్తున్నాము. దయచేసి ట్రైలర్ చూసి మీ అభిప్రాయం తెలుపగలరు అంటూ..'' అఖిల్ ట్వీట్ చేశారు.