హైదరాబాద్‌: అయోధ్యలో బాబ్రీ మసీదును కూల్చివేసినందుకు నిరసన ముస్లిం సంఘాలు డిసెంబర్ 6ను బ్లాక్‌ డేగా ప్రకటించిన విషయం తెలిసిందే. అయోధ్యలో బాబ్రీ మసీదు కూల్చివేసి 25 సంవత్సరాలు కావచ్చింది. బాబ్రీ మసీదును కూల్చిన చోటనే తిరిగి మసీదు నిర్మించాలని ముస్లిం సంఘాలు డిమాండ్ చేస్తున్నాయి. బ్యాక్ల్‌ డే సందర్భంగా నగరంలో పలు ప్రాంతాల్లో భారీగా పోలీసులను మోహరించారు. ఎలాంటి అవాంఛనీయ ఘటనలు జరుగుకుండా పోలీసులు ముందస్తు చర్యలు తీసుకున్నారు. నగరంలో ర్యాలీలు, సభలు, సమావేశాలను నిషేధించారు. బుధవారం నుంచి గురువారం సాయంత్రం వరకు 144 సెక్షన్ విధించారు. పాతబస్తీలోని సమస్యాత్మక ప్రాంతాల్లో ప్రత్యేక నిఘా ఉంచారు.