నైరుతి బంగాళాఖాతంలో తీవ్రఅల్పపీడనం ఏర్పడినట్లు హైదరాబాద్‌ వాతావరణ కేంద్రం తెలిపింది. శ్రీలంకకు సమీపంలో ఏర్పడిన ఈ అల్పపీడనం తీవ్ర అల్పపీడనంగా మారినట్లు అదికారులు తెలిపారు. అది మరింత బలపడి వాయుగుండంగా మారే అవకాశాలు ఉన్నట్లు పేర్కొన్నారు. దీని ప్రభావంతో కోస్తాంధ్ర, రాయలసీమల్లో భారీ నుంచి అతిభారీ వర్షాలు కురిసే అవకాశం ఉంది. ఇటు తెలంగాణలోనూ పలుచోట్ల వర్షాలు కురిసే అవకాశం ఉన్నట్లు అధికారులు తెలిపారు. తెలుగు రాష్ట్రాల్లో ఆకాశం మేఘావృతమై ఉంటుందని... రాత్రి ఉష్ణోగ్రతలు తగ్గుతాయని స్పష్టం చేశారు.