మనామా: ఓ వ్యక్తి కారులో మృతి చెందిన ఘటన బిలాద్‌ అల్‌ కదీమ్‌లోని ఓ మాస్క్‌ సమీపంలో చోటు చేసుకుంది. మృతుడు కారుని, మసీదు పక్కనే పార్క్‌ చేసినట్లు సీసీటీవీ విజువల్స్‌లో తేటతెల్లమవుతోంది. కారులో వ్యక్తిని గుర్తించిన కొందరు, పోలీసులకు ఫిర్యాదు చేయగా, పోలీసులు వచ్చి చూసేసరికి అతను మృతి చెంది ఉన్నాడు. కారు ఇంజిన్‌ అప్పటికీ రన్నింగ్‌ కండిషన్‌లో ఉందని ప్రత్యక్ష సాక్షులు తెలిపారు. నలభయ్యేళ్ళ వ్యక్తి కారులో ఉండి, లాక్‌ చేసుకున్నట్లు ఓ ప్రత్యక్ష సాక్షి వివరించారు. మృతుడ్ని రెస్టారెంట్‌ ఓనర్‌ ఒకరు ముందుగా గుర్తించడం జరిగింది. రాత్రి 9.58 నిమిషాల సమయంలో కారు అక్కడ ఆగిందనీ, ఉదయం వరకూ కారు అక్కడే ఉండిపోయిందని రెస్టారెంట్‌ ఓనర్‌ తెలిపారు.