మస్కట్‌: వైల్డ్‌ లైఫ్‌ చట్టాన్ని ఉల్లంఘించిన కేసులో ముగ్గురు గల్ఫ్‌ జాతీయులు అరెస్ట్‌ అయ్యారు. దహిరాలోని ఇబ్రిలో ఈ ముగ్గురినీ అదుపులోకి తీసుకున్నారు. మినిస్ట్రీ ఆఫ్‌ ఎన్విరాన్‌మెంట్‌ అండ్‌ క్లైమేట్‌ ఎఫైర్స్‌ (ఎంఇసిఎ) అధికారి ఒకరు మాట్లాడుతూ, గన్స్‌, పేలుడు పదార్థాలు, డ్రోన్‌, నెట్స్‌, ట్రాప్స్‌, టార్చ్‌లైట్‌, ఫ్లడ్‌ లైట్‌, బైనాక్యులర్‌, కమ్యూనికేషన్‌ హ్యాండ్‌సెట్‌ వంటివి వీరి నుంచి స్వాధీనం చేసుకున్నట్లు తెలిపారు. ఫ్రోజెన్‌ బర్డ్‌ మీట్‌, బర్డ్‌ సౌండ్‌ సిమ్యులేటర్స్‌, మూడు 4డబ్ల్యుడిఎస్‌, 14 బర్డ్స్‌, రెండు రకాలైన పావురాల్ని కూడా వీరి నుంచి స్వాధీనం చేసుకోవడం జరిగింది. నేరం చేసినట్లు నిందితులు ఒప్పుకున్నారు. నేచుర్‌ రిజర్వ్స్‌ మరియు వైల్డ్‌ లైఫ్‌ కన్సర్వేషన్‌ చట్టాన్ని ఉల్లంఘించినందుకుగాను వీరిపై కేసులు నమోదుచేసి, జ్యుడీషియరీకి అప్పగించడం జరిగింది. ఈ తరహా ఉల్లంఘనలు తమ దృష్టికి వస్తే పౌరులు సమాచారం ఇవ్వాలని రాయల్‌ ఒమన్‌ పోలీసులు విజ్ఞప్తి చేశారు.