బ్రిటన్‌ లేబర్‌ పార్టీ నేత జెరేమీ కార్బిన్‌కు శాంతి పురస్కారం లభించింది. జెరేమీ సేవలను గుర్తించి ఈ పురస్కారం అందజేసినట్టు సీన్‌ మెక్‌బ్రైడ్‌ సంస్థ పేర్కొన్నది. కార్బిన్‌ పలు సామాజిక అంశాలపై ప్రత్యేక దృష్టి సారించారు. ప్రపంచ శాంతి, అణ్వాస్త్రాలపై వ్యతిరేకత, నిరాయుధీకరణ, మానవ హక్కులు తదితర అంశాలపై ప్రసంగిస్తూ ప్రజలను చైతన్య పరుస్తున్నారు. కార్బిన్‌తో పాటు ప్రముఖ విద్యావంతుడు నోమ్‌ ఛామ్‌స్కీకి కూడా ఈ అవార్డును ప్రదానం చేసినట్టు నిర్వాహకులు తెలిపారు. కార్బిన్‌ 34 ఏండ్ల పాటు బ్రిటన్‌ పార్లమెంట్‌ సభ్యుడిగా సేవలందించారు.