మస్కట్‌: యునైటెడ్‌ అరబ్‌ ఎమిరేట్స్‌లో ఐదుగురి హత్య కేసుతో సంబంధం ఉన్న మోస్ట్‌ వాంటెడ్‌ వ్యక్తిని ఒమన్‌లో అరెస్ట్‌ చేసినట్లు పోలీసులు తెలిపారు. అరెస్ట్‌ చేసిన వలసదారుడ్ని, యూఏఈ అధికారులకు అప్పగించినట్లు రాయల్‌ ఒమన్‌ పోలీస్‌ సోషల్‌ మీడియా ద్వారా వెల్లడించింది. రాయల్‌ ఒమన్‌ పోలీస్‌ పేర్కొన్న స్టేట్‌మెంట్‌ ప్రకారం, యూఏఈలో కొన్ని రోజుల క్రితం ఐదుగుర్ని హత్య చేసిన ఆసియా జాతీయుడ్ని బురైమీలో అరెస్ట్‌ చేసి, యూఏఈ అథారిటీస్‌కి అప్పగించినట్లు స్పష్టమవుతోంది. మస్కట్‌ కమ్యూనికేషన్స్‌ డివిజన్‌ (ఇంటర్‌పోల్‌), యూఏఈ అథారిటీస్‌ నుంచి ఈ మోస్ట్‌ వాంటెడ్‌కి సంబంధించిన సమాచారం అందుకుంది. కేసు విచారణ చేపట్టి, నిందితుడ్ని బురైమీలో అరెస్ట్‌ చేసినట్లు రాయల్‌ ఒమన్‌ పోలీస్‌ అధికారి ఒకరు తెలిపారు.