మస్కట్‌: ఒమన్‌ నుంచి వెళ్ళే ప్రయాణీకులకు జెట్‌ ఎయిర్‌వేస్‌ టిక్కెట్స్‌లో డిస్కౌంట్స్‌ని ప్రకటించింది. డిసెంబర్‌ 17, డిసెంబర్‌ 18 తేదీల్లో బుక్‌ చేసుకున్న టిక్కెట్లకు 12 శాతం డిస్కౌంట్‌ వర్తిస్తుంది. ఒమన్‌ నుంచి ఇండియా అలాగే బ్యాంకాక్‌, కొలంబో, ఢాక, హాంగ్‌కాంగ్‌, ఖాట్మండు, సింగపూర్‌ తదితర ప్రాంతాలకు ఈ డిస్కౌంట్స్‌ వర్తిస్తాయి. వన్‌ వే, రిటర్న్‌ జర్నీస్‌కి కూడా వర్తించేలా ఈ డిస్కౌంట్‌ ఆఫర్‌ ప్రవేశపెట్టినట్లు జెట్‌ ఎయిర్‌ వేస్‌ వెల్లడించింది. జనవరి 3 నుంచి మే 31 వరకు చేసే ప్రయాణాలకుగాను ఈ టిక్కెట్లు రెండ్రోజులపాటు అందుబాటులో ఉంటాయి. ఎండ్‌ ఆఫ్‌ ఇయర్‌ సేల్‌లో భాగంగా ఈ ఆఫర్‌ని ప్రకటించామని ప్రయాణీకులు ఈ అద్భుత అవకాశాన్ని వినియోగించుకోవాలని జెట్‌ ఎయిర్‌ వేస్‌ ఒమన్‌ జనరల్‌ మేనేజర్‌ వాసిమ్‌ జైది చెప్పారు.