ఢిల్లీ: ప్రధానమంత్రి నరేంద్రమోదీ వచ్చే నెలలో ఆంధ్రప్రదేశ్ రాష్ట్రంలో పర్యటించే అవకాశముందని పార్లమెంటు సభ్యులు తోట నర్సింహం, రవీంద్రబాబు తెలిపారు. శుక్రవారం ఢిల్లీలో ప్రధానిని వారు కలిశారు. ఈ సందర్బంగా కోటిపల్లి-నర్సాపూర్ రైల్వేలైన్, గౌతమి బ్రిడ్జి శంకుస్థాపనకు రావాలని కోరారు. ఇందుకు ప్రధాని సానుకూలంగా స్పందించారు. అనంతరం ఎంపీలు విలేకరులతో మాట్లాడుతూ... శంకుస్థాపనకు రావడానికి ప్రధాని సుముఖత వ్యక్తం చేశారన్నారు. వచ్చే నెలలో ప్రధాని పర్యటన ఖరారయ్యే అవకాశం ఉందని వారు తెలిపారు.