వరస ప్రమాదాలు.. వరస విషాదాలు సినీ పరిశ్రమను దిగ్భ్రాంతికి గురి చేస్తున్నాయి. హైదరాబాద్ నవాబ్స్ మూవీ ఫేమ్ ఆర్కే ప్రయాణిస్తున్న కారు కి జరిగిన రోడ్డు ప్రమాదంలో నటుడు ఆర్కే కు స్వల్పగాయలు అయ్యాయి. ఆదివారం సాయంత్రంజూబ్లీ హిల్స్ రోడ్డు నెంబర్ 36 వైపుగా తన కారులో వెళ్తున్న ఆర్కే కారును.. పక్క నుంచి వేగంగా వచ్చిన మరో కారు ఢీ కొట్టింది. దీంతో ఆర్కే కారు బోల్తా పడింది.. వెంటనే స్పందించిన స్థానికులు ఆయన్ని కారు నుంచి బయటకు తీసి.. గాయాలు కావడంతో.. వెంటనే అపోలో కు తరలించారు. రోడ్డు మూల మలుపు వద్ద వేగంగా కారు నడపడం వల్ల అదుపు తప్పిన కారు.. ఆర్కే కారుని ఢీ కొట్టినట్లు ప్రత్యక్ష సాక్షుల కథనం... ప్రమాదానికి కారణమైన కారుని ఓ మహిళ నడిపింది అని తెలుస్తోంది. పోలీసులు కేసు నమోదు చేసుకొని దర్యాప్తుచేస్తున్నారు.