సాలిక్‌ (టోల్‌గేట్‌) ఛార్జీలకు సంబంధించి వ్యాట్‌ ఫ్రీ వెసులుబాటు ఉంది. అయితే ఇది ఆన్‌లైన్‌ ద్వారా లేదంటే ఆర్‌టిఎ వెబ్‌సైట్‌ ద్వారా సాలిక్‌ అకౌంట్‌ని రీచార్జ్‌ చేసుకుంటేనే ఈ వ్యాట్‌ ఫ్రీ వర్తిస్తుంది. పెట్రోల్‌ స్టేషన్లలోనో, సూపర్‌ మార్కెట్స్‌లోనో రీఛార్జ్‌ చేసుకుంటే మాత్రం సాలిక్‌ ఛార్జీలపై వ్యాట్‌ ఐదు శాతం చెల్లించక తప్పనిసరి. టోల్‌గేట్స్‌ ద్వారా ప్రయాణించే వాహనాలకు 4 దిర్హామ్‌ల సాలిక్‌ ఛార్జీలు స్మార్ట్‌ ట్యాగ్‌ ద్వారా యధాతథంగా డిడక్ట్‌ అవుతాయి. అయితే ట్రాన్స్‌పోర్ట్‌ అథారిటీ, పబ్లిక్‌ ట్రాన్స్‌పోర&్ట ఫెసిలిటీస్‌కి ఎలాంటి వ్యాట్‌ సాలిక్‌ ఛార్జీలపై వసూలు చేయడంలేదని ఇప్పటికే స్పష్టం చేసింది. దుబాయ్‌లో మొత్తం ఏడు సాలిక్‌ గేట్స్‌ ఉన్నాయి. పబ్లిక్‌ ట్రాన్స్‌పోర్ట్‌ సౌకర్యాలు (బస్‌లు, మెట్రో, ట్రామ్‌, మెరిటైమ్‌ ట్రాన్స్‌పోర్ట్‌ వంటివి) ఉపయోగించే ప్రయాణీకులు వ్యాట్‌ పరిధిలోకి రారు.