మస్కట్‌: మస్కట్‌ మునిసిపాలిటీ పలు ప్రాంతాల్లో పెద్దయెత్తున గార్బేజ్‌ బిన్స్‌ని ఏర్పాటు చేసింది. ప్రాజెక్ట్‌ 2018లో భాగంగా ఈ చర్యలు చేపట్టారు. నిబంధనల్ని ఉల్లంఘించి ఎక్కడపడితే అక్కడ చెత్తపారబోసేవారిపై మునిసిపాలిటీ 100 ఒమన్‌ రియాల్స్‌ జరీమానాల్ని వడ్డించేస్తోంది. గార్బేజ్‌ బిన్స్‌ని స్మార్ట్‌గా వినియోగించాలనీ, నిబంధనల్ని ఎవరూ వినియోగించరాదని అధికారులు పేర్కొన్నారు. పబ్లిక్‌ యుటిలిటీస్‌ టాంపరింగ్‌ చేసేవారిపైనా కఠినమైన చర్యలు తీసుకోనున్నారు. బౌషర్‌, గుబ్రాహ్‌ లేన్‌ పార్క్‌ వంటి ప్రాంతాల్లో ఇప్పటికే ఉల్లంఘనులపై కఠిన చర్యలు తీసుకున్నట్లు తెలిపారు అధికారులు.