దుబాయ్: ప్రమాదంలో చిక్కుకొని సకాలంలో ఆసుపత్రులకు చేరుకోలేనివారి సౌకర్యార్ధం  మహిళలచే నడపబడే ద్విచక్రవాహన అంబులెన్సులను దుబాయిలో ప్రారంభించారు. ట్రాఫిక్ రద్దీగా ఉండే ప్రాంతాల్లో ఎవరికైన ప్రాణాపాయ స్థితి ఏర్పడితే అంబులెన్సులు వారిని సకాలంలో ఆసుపత్రులకు తరలించడంలో విఫలమవుతున్నట్లు దుబాయ్ కార్పొరేషన్ ఫర్ అంబులెన్సు సర్వీసెస్ ప్రకటించింది. దీంతో అత్యధికులు  మృతి చెందుతున్నట్లు  గుర్తించామని అధికారులు తెలిపారు. అటువంటి పరిస్థితిని నివారించేందుకు బైక్ అంబులెన్సులను అందుబాటులోకి తెచ్చామని అధికారులు తెలిపారు. ముఖ్యంగా షాపింగ్ మాల్స్, కమర్షియల్ కాంప్లెక్స్‌లలో ఎవరికైన ప్రమాదం జరిగితే బైక్ అంబులెన్సులకు ఫోన్ చేసి సమాచారమందించాలని అధికారులు ప్రజలకు సూచించారు.